مقبول بھارتی کامیڈی شو ’’دی گریٹ انڈین کپل شو‘‘ کے سیٹ پر دو معروف کامیڈین فنکاروں کرشنا ابھیشیک اور کِکو شاردہ کے درمیان تلخ کلامی کی ایک ویڈیو سوشل میڈیا پر وائرل ہو گئی۔

ویڈیو میں دونوں فنکاروں کے مابین کسی معاملے پر تنازع اور تلخ کلامی دیکھی جا سکتی ہے، جس نے مداحوں کو تشویش میں مبتلا کردیا ہے۔ ذرائع کے مطابق گزشتہ کچھ دنوں سے ان دونوں اداکاروں کے درمیان مسائل کی افواہیں گردش کر رہی تھیں اور یہ ویڈیو ان قیاس آرائیوں کو مزید بڑھا رہی ہے۔

ویڈیو میں کِکو شاردہ کرشنا سے ناراضگی کا اظہار کرتے ہوئے کہتے ہیں کہ انہیں پہلے اپنی بات مکمل کرنی چاہیے، جبکہ کرشنا تحمل کا مظاہرہ کرتے ہوئے تنازع سے بچنے کی کوشش کرتے ہیں اور کہتے ہیں کہ وہ اپنی آواز اونچی نہیں کرنا چاہتے۔

تاہم کِکو شاردہ کا کہنا ہے کہ کرشنا ان کی بات کو غلط انداز میں لے رہے ہیں۔ ویڈیو میں کپل شرما نظر نہیں آئے لیکن سیٹ پر موجود عملہ معاملے کو قابو کرنے کی کوشش کرتا دکھائی دے رہا ہے۔

دونوں فنکاروں یا شو کی انتظامیہ کی جانب سے اب تک اس واقعے پر کوئی بیان سامنے نہیں آیا تاہم مداح امید کر رہے ہیں کہ جلد یہ مسئلہ حل ہو جائے گا اور شو معمول کے مطابق چلتا رہے گا۔

خیال رہے کہ ’’دی گریٹ انڈین کپل شو‘‘ نیٹ فلکس پر نشر ہو رہا ہے اور ناظرین میں بےحد بھی ہورہا مقبول ہے۔